ப‌.லெனின்

கலை இலக்கியம் யாவும் சமூக விழிப்புணர்வை நோக்கியே அமைய வேண்டும் என்பதை தனக்கென இலக்காகக் கொண்டு வீதி நாடகக் கலைஞ‌ராக தமிழகத்தின் பல்வேறு பகுதிகளுக்கும் பயணித்து செயலாற்று வரும் இவர் பார்வையற்றவர்.

கிராமிய மணத்தோடு கமழும் தெம்மாங்கு இசையை தன் ஊடகமாகக் கொண்டு, அறிவொளி இயக்கம், எழுத்தறிவு இயக்கம் போன்ற இயக்கங்களின் செயல்பாட்டில் தோள் தந்து, பெண் சிசுக் கொலை, எய்ட்ஸ், தீண்டாமை, குழந்தைத் தொழிலாளர் போன்ற சமூகச்சிக்கல்களைக் களைய விழிப்புணர்வேற்படுத்தி சமூகப்பணியாற்றுகிறார்.