ஆரோக்கியமேரி

மூளை வளர்ச்சி குன்றிய மற்றும் உடல்நிலை பாதிப்புள்ள நிலையில் வாழ நேரிடுகிற இயலாக்குழந்தைகளின் எதிர்காலத்தை உருவாக்கும் நோக்கில் துவங்கப்படுகிற சிறப்புப் பள்ளிகளில் ஒன்றான தாரமங்கலம் எக்காம்வெல் சிறப்புப் பள்ளியின் தலைமையாசிரியையாகப் பணியாற்றும் இவர் 'ஊனமுற்றோரின் உயரிய சாதனைகள்' நூலில் இடம்பெற்ற சாதனையாளர்.

போலியோவின் பாதிப்பை மீறி, பட்டிமன்றங்களில் பங்கேற்று கருத்துரையாற்றுதல், சமூக விழிப்புணர்வுப் பாடல்களை இயற்றி அவற்றை அனைவருக்கும் கல்வி இயக்க விழிப்புண‌ர்வு முகாம்களில் பாடி சிந்திக்கச் செய்தல் என தொடர்ந்த செயல்பாடுகளோடு திகழ்கிறார்.